Flashback pllakoset nëpër kompjuterët Mac

Kompania ruse e antiviruseve Dr. Web raporton për një numër të madh të kompjuterëve Mac të infektuar me trojanin Flashback. Ky malware për të parën herë është vërejtur gjatë shtatorit të vitit të kaluar, ndërsa infektimi i kompjuterëve bëhet duke u prezantuar si instalim i Flash Player të Adobe.

Pas nisjes së isntalimit trojani në Macintosh shfrytëzon lëshimin në Java i cili shfrytëzuesve u vjedh fjalëkalimet dhe të dhënat tjera personale. Sipas informatave të fundit nga Ivan Sokorin, analisti i kompanisë Dr. Web, nga malware-i Flashback janë infektuar rreth 600,000 kompjuter Mac në mbarë botën, e numri më i madh i tyre ndodhet në SHBA – madje 57 për qind.

Njëzet për qind të kompjuterëve të infektuar ndodhen në Kanada derisa vendet tjera me posedimin e madh të Mac-ëve të infektuar me Flashback janë Britania e Madhe (12.8 për qind) dhe Australia me 6.1 për qind. Apple qysh tani ka publikuar arnën zyrtare e cila korrigjon lëshimin e sigurisë, e ajo është në dispozicion në faqet zyrtare për sistemet operative Mac OS X Snow Leopard dhe Lion.