Revolucioni nga Nokia

Përkundër lëvdatave shumta në llogari të Lumias, në Nokia prapëseprapë cakun e kanë vëndosur më lartë. Shefi i dizajnit pranë kompanisë Marko Ahtisaari premtoi një smartphonë revolucionar pranë të cilit pajisjet tjera do të duken të vjetërsuara.

Detajet për pajisjen nuk janë publikuar, ndërsa janë bërë publike vetëm disa gjëra. Ahtisaari pohon se smartphone i ri do të përdorë teknologjinë revolucionare me çka përvoja e përdorimit të celularit do të ndryshohet përgjithmonë. Për shembull, thuhet se shfrytëzuesit nuk do të duhet të përkulen e madje as të prekin ekranin e pajisjes për ta manipuluar atë. Ky koncept në Nokia është duke u zhvilluar për disa vite tani, por për momentin nuk ka informate se kur ai do të shihet në produktet konkrete.

Gjithashtu, sipas fjalëve të shefit të Nokias, ndërfaqja për shfrytëzues në iPhone është dizajnuar keq dhe është e ngatërruar për përdorim – “udha nga kuzhina deri në WC gjithmonë shkon kah dera hyrëse e banesës”. Nga ana tjetër, Symbianin dhe Androidin i përshkroi si shtëpi-lojëra ku çdonjëri mund të rendis orenditë sipas dëshirës. Windows Phone i Microsoft është më i natyrshëm për përdorim në krahasim me platformat tjera, mendon Ahtisaari.