Kërcënimet e sigurisë gjatë çerekut të tretë

Sipas raportit të fundit State of the Web të kompanisë Zscaler Threatlabz, shtesat për shfletuesit e Internetit, rrjetat shoqërore dhe HTML iFrame-ët ishin kërcënimet më të mëdhenj të sigurisë gjatë çerekut të tretë të vitit.

Internet Explorer vazhdon të mbetet shfletuesi dominues i Internetit, ndërsa pjesa më e madhe e shfrytëzuesve është ende duke përdorur versionet e vjetra të shfletuesit. Në të vërtetë, vetëm 1.68% e shfrytëzuesve janë në versionin 9.x të Internet Explorerit, derisa të gjithë të tjerët përdorin versionet e vjetra që kanë shumë më shumë lëshime të sigurisë, në veçanti versioni 6.x të cilin ende është duke e përdorur 4.21% e shfrytëzuesve.

Threatlabz gjithashtu thekson se Adobe Shockwave është shtesa e shfletuesve që është mirëmbajtur më së pakti, ndërsa ai pasohet nga Java dhe Adobe Reader.

Të gjitha këto shtesa kanë lëshime serioze të sigurisë, në veçanti në versionet e vjetra të tyre. Sipas Threatlabz, pjesa më e madhe e shfrytëzuesve as që janë të vetëdijshëm mbi atë se cilat shtesa të shfletuesve janë duke përdorur.

Në veçanti theksohen edhe rreziqet që vijnë nga faqet për rrjetëzim shoqëror, ku shfrytëzuesit shpesh ridrejtohen kah përmbajtjet keqdashëse.

HTML iFrame-ët keqdashës janë forma më e shpeshtë e zbuluar nga softueri antivirus, e pasohen nga ridrejtimet përmes Javascript-eve dhe zbulimet e rreme të përmbajtjeve keqdashëse.