Jobs dëshironte rrjet të ndarë për iPhone

Këtë e pohon John Stanton, investitori nga Lugina e Silicit i cili kalonte shumë kohë me të ndjerin bashkëthemelues të Apple gjatë zhvillimit të versionit të parë të iPhone-it.

Ideja fillestare e Jobsit ishte përdorimi i spektrit WiFi për krijimin e një pseudo rrjeti të telekomunikimeve me cilën gjë iPhone do të funksiononte krejtësisht i pavarur nga kompanitë ekzistuese të telekomunikimeve. Shefi i Apple sipas pohimeve nga kjo ide përfundimisht hoqi dorë gjatë vitit 2007 duke pasur parasysh se inxhinierët e kompanisë nuk patën arritur ta zbatojnë idenë në mënyrë të kënaqshme.

Përkundër kësaj, me paraqitjen e iPhoneit Apple prapëseprapë e bëri një kthesë të madhe në mënyrën e ndërtimit të telefonave mobil.

Jobs në të vërtetë AT&T-së, telekomit më të madh amerikan, ia shiti pajisjen e gatshme pothuajse pa e parë ata ndonjëherë gjë që e shndërroi këtë kompani të madh në një distributor të thjeshtë të produkteve të Apple derisa deri atëherë kompanitë e telekomunikimeve pak a shumë merrnin pjesë në ndërtimin e telefonave mobil duke adaptuar karakteristikat, softuerin dhe mundësitë e tyre për nevojat e veta.