Fillojnë dërgesat e LG P330

Modeli P330 është ultraportativi i ri në linjën Xnote të LG-së. Kompania publikoi se ka filluar me dërgesat në tregun amë – atë të Koresë.

Pesha e këtij ultraportativi është 1.7 kg, ai ka ekranin prej 13.3-inç me LED ndriçim të prapavijës, punon me gjeneratën e fundit të procesorëve të Intelit. Rezolucioni i ekranit është 1,366 x 760 piksel. Portativi zakonisht vjen me 4 GB RAM, grafikën GeForce GT 555M, në vend të diskut klasik mund të zgjidhet edhe ai SSD. Të pranishëm janë konektorët USB 3.0 dhe HDMI, e bateria është me 6-qeli.

Çmimet e portativit varësisht nga konfigurimi në Kore janë përllogaritur në mes 1,300 dhe 1,950 dollarë.