3D, shtrenjtë dhe dëshpërues

Duke bërë hulumtime dhe duke analizuar reagimet ndaj filmave 3D dhe ndaj tre prej titujve kryesor të verës të zhvilluar në 3D, është gjetur se shikuesit në përgjithësi kanë ndjerë një dëshpërim pasi kanë shikuar këta filma dhe nuk e kanë parë të arsyeshme të shpenzojnë më shumë të holla për kinema që i kanë biletat më të shtrenjta për shkak të filmave 3D.

Hulumtimi që ka anketuar rreth 1,000 komentues në rrjete sociale ka gjetur se ndjenjat e të shikuar një film në 3D kanë qenë në përgjithësi pozitive. Megjithatë pas performancës së një filmi në 3D, është vërejtur një ndryshim drastik me komente që sinjalizojnë një reagim negativ.

Individët që janë anketuar që duket se kanë qenë të ndikuar ishin ata që kanë shprehur deklaratat më të theksuara për 3D. Prej 1,000 komenteve të analizuara, 600 ishin të emocionuar nga pritjet për teknologjinë 3D, kurse 450 kishin rezervat e tyre. Më pak se 300 ishin pozitiv. 

Anketa gjithashtu shikoi edhe tre prej filmave kryesor të verës. “Harry Potter and the Deathly Hallows Part Two 3D”, “Pirates of the Caribbean: On Stranger Tides 3D” dhe “Green Latern 3D”. Në të gjitha rastet, reagimet ishin shfaqur në formën e kalimit prej pritjes pozitive në rezultate negative.

Brandwatch Social Media Monitoring gjeti edhe se disa ankesa përfshijnë: çmimin e lartë, syze të papërshtatshme, shfrytëzimi i papërshtatshëm i 3D’s, 3D efekte të dobëta, shfrytëzim të tepruar të 3D’s, kokëdhimbje dhe disa raste të shfaqjes së 3D në post-produksion e jo në fazat e xhirimeve. E megjithatë disa shikues kanë sugjeruar se 3D filmat nuk iu afruan asnjëherë 3D titullit të James Cameron, “Avatar”.