Schmidt: Google po luan lojë të ndershme

Shefi ekzekutiv i Google, Erich Schmidt, ka mohuar akuzat se kompania e tij ka manipuluar motorrin e kërkimit, për të promovuar shërbimet dhe adresat e kompanisë.

Këto komentë Schmidt i ka bërë gjatë raportimit në një seancë dëgjimore në kongresin amerikan në Washington. “Unë mund t’ju siguroj ju, të gjithëve, se ne nuk kemi trukuar kurrë asgjë”, - ka thënë Schmidt.

Raportimi i tij vjen në kuadër të hetimit të Komitetit Gjyqsor të Senatit, i cili po investigon në kuadër të abuzimit të tregtisë së ndershme për Google. Një hetim mbi këtë çështje ka ndërmarrë edhe Komisioni Evropian.
Burimi: Telegrafi