Google renditet si kompania e dytë teknologjike në botë

Google është tani kompania e dytë me e madhe teknologjike në botë, duke e lënë Microsoft në vend të tretë. Vlera e aksioneve të kompanisë u rrit me 0,7% duke marrë vlerën totale prej 249,2 miliardë dollarë. Microsoft nga ana tjetër ra me 0,3% duke mbajtur totalin prej 248,7 miliardë dollarë.
Analisti Martin Pyykkonen thotë se kjo është një shenjë e qartë që tregon se tregu i PC-ve është në vështirësi. ComScore tregon se Google ka 66% të tregut në SHBA, duke e lënë Microsoft shumë mbrapa me vetëm 16%. Për më tepër, kompania pritet të kalojë dhe Facebook-un këtë vit si kompania më e madhe reklamuese në internet. EMarketer thotë se Google do të jetë e para në reklamat për celularë këtë vit. Google zotëron një pjesë të madhe në tregun e sistemeve celularë. Sipas Gartner, Android ekziston në 64% të smartfonave në tremujorin e dytë të vitit. iOS i Apple zë vetëm 19% në vend të dytë ndërsa Microsoft ka arritur të kapë vetëm 2,7%. Apple ngelet kompania teknologjike më e shtrenjtë me 632,9 miliardë dollarë.