Visitkard.com – kartevizita juaj online

Për ata që janë aktiv në rrjetet sociale Twitter e Facebook, sigurisht visitkard.com nuk është e panjohur e për pjesën tjetër, që pak a shumë kanë njohu mbi termin “startup” atëherë mund të thuhet se ky është një tjetër startup që po del prej ndërmarrësve të rinj në Kosovë.

Edhe pse dihen shumë pak detaje, për visitkard.com mund të thuhet se është një portal që do të jetë i fokusuar në promovimin e visit kartelës së përdoruesve online. Duke u nisur nga faki se çdo ditë e më shumë po kemi një përfshierje më të madhe të termit online në jetën tonë, një hap i këtillë për zhvillim të një biznesi të kësaj natyre mund të jetë me potencial, veçanërisht nëse supozohet se do të ketë kujdes të veçantë në biznes model dhe planifikim të pranisë dhe shtrirjes në treg, sikurse që është shfaqur kujdes në dizajnimin brendit dhe ueb faqes.

Sipas detajeve të pakta që kemi nga Facebook dhe Twitter, “Visitkard.com – Visit kartela juaj online” pritet të shfaqet së shpejti në formën e plotë, ndërsa sipas statistikave të deritanishme mbi 200 përdorues janë regjistruar online për të marr njoftimin se kur do të shfaqet platforma.