Kur u paraqit Power Mac G4 nga Apple, ai
ishte cilësuar si një super kompjuter. Ai kishte dy procesor! E çka do
të bënin në të kaluarën njerëzit që do të kishin rastin të punojnë me
këtë tablet kompjuter, që është i pari që ka procesor me katër bërthama?
Në fakt çka do të bënin me të në ditët e sotme? Me letra ky
tablet e shkatërron konkurrencën. Përveç se është i pari që shfrytëzon
procesorin e ri katër bërthamësh Nvidia Tegra 3, ndryshe të njohur edhe
si procesorin Kal-El, ky tablet duket edhe jashtëzakonisht i bukur.
Origjinali Asus Eee Pad Transformer ishte një prej tabletëve më të
popullarizuar Android të atij viti, por ishte i trashë dhe në formë
kutie – disi i madh dhe i mërzitshëm. Transformer Prime është shumë më i
bukur. Ata kanë larguar plastikën e lirë prapa dhe kanë vendosur një
material alumini që duket jashtëzakonisht bukur. Ai është i hollë dhe i
lehtë: 8.3 mm i trashë dhe 586 gram i lehtë, që është më i hollë dhe më i
lehtë se iPad 2, edhe pse Prime ka një ekran më të madh për 0.4 inç
(10.1 krahasuar me 9.7 inç sa ka iPad 2).
Kur jemi te ekrani, Prime ka
një ekran SUPER IPS+ (me rezolucion 1280 x 800 piksela) me Gorilla Glass
dhe ka një kënd shikimi prej 178 shkallë dhe disa teknologji tjera që e
bëjnë shumë më të ndritshëm.
Prime ka gjithashtu edhe një Pad të vetin që është më i hollë edhe ka
përpunim nga alumini dhe mostrim metalik. Shkrimi në ekran tani është
gjithashtu i lehtë, por kur është fjala për t’iu përgjigjur gjërave që
kërkojnë koncentrim dhe punë më të gjatë, tastiera fizike është në
dispozicion. Një prej pikave tjera të fuqishme është jetëgjatësia e
baterisë. Ata thonë se kanë baterinë më të mirë të cilën nuk e ka asnjë
tablet tjetër, që nënkupton deri në 12 orë mundësi shfrytëzimi me punë.
Nëse lidhet me tastierë ai numër arrin në 18 orë. Menaxhimi i avancuar i
shpenzimeve të rrymës nga ana e Tegra 3 mundëson këtë.
Ka një kamerë 1.2 megapiksel para, dhe një 8 megapiksel prapa me
aperture F2.4 që mund të incizojë 1080p video. Gizmodo thekson se kjo
duket gjë e tepruar por megjithatë ka gjasa të ketë njerëz të çmendur
pas kësaj. Gjithashtu ka port micro-HDMI dhe nëse e lidhni me tastierë
ju fitoni edhe USB port dhe SD port. Gjithashtu ka edhe vend për
altoparlant për të rritur argëtimin. E përveç kësaj Android 4.0 Ice
Cream Sandwich do të paraqitet shumë shpejtë tek Transformer Prime.
Çipi Tegra 3 është vërtetë i jashtëzakonshëm. Teorikisht do të ketë
mundësi për të luajtur lojëra që sfidojnë grafikën dhe shpejtësinë e
konzolave argëtuese të nivelit të lartë. Ndërsa derisa kjo do të ndodh
duhet të presim punën e zhvillueseve.
Eee Pad Transformer Prime do të ofrohet në dy ngjyra (Amethyst Gray
dhe CHampagne Gold) dhe me dy madhësi të magazinimit: 32GB për 500
dollarë dhe 64GB për 600 dollarë. Asus ka thënë se Prime është i krijuar
për të qenë pajisje “Premium” dhe ata do të vazhdojnë të shesin
origjinalin Transformer më shumë për tregun e përgjithshëm, që ofrohet
për 300 dollarë për modelin 16GB dhe 350 dollarë për modelin 32GB.
0 comments:
Post a Comment