Qartësimi i fotografive të turbullta

Opsioni unblur në versionin e ri të Photoshopit në bazë të turbullimit të fotografisë përllogaritë saktë se për sa ju është dridhur aparati dhe në mënyrën matematikore e qartëson incizimin.

Çdo kush që është marrë ndonjëherë me fotografi është takuar me programin Adobe Photoshop. Programi i cili shërben për përpunimin e fotografive është vegël e domosdoshme për secilin fotograf kur vjen puna për pastrimin e fotografisë, shtimin e ndriçimit ose përpunimin e objektit që ndodhet në fotografi. Madje shprehja “fotoshop” është futur edhe në masat e gjëra të popullatës, sidomos kur bëhet fjalë për fotografitë e yjeve të estradës.

Nëse keni përdorur ndonjëherë fotoaparatin, me siguri keni bërë së paku një fotografi të turbullt. Aparati ju ka lëvizur mu në momentin kur keni prekur sustën për ta marrë fotografinë, dhe ka shumë gjasa që shumë fotografi të atilla kanë përfunduar në shportë.

Mirëpo në evenimentin që kompania Adobe mbajti ca kohë më herët, u paraqit funksioni që do të paraqitet në versionin e ri të Photoshopit, e i cili zgjidh problemin me fotot e turbullta. Opsioni unblur përllogaritë në bazë të nivelit të turbullimit të fotografisë se sa u është lëvizur aparati dhe në mënyrë matematikore kthjelltëson fotografinë.

Burimi: Telegrafi