Dell, edhe tablet edhe laptop, kombinim perfekt

Në garën mes laptopëve dhe tabletëve, kompania Dell, për të kënaqur të gjitha preferencat e klientëve, ka sjellë në treg një version të mesëm, një prototip të konvertueshëm nga një tablet në laptop.

Bëhet fjalë për një model të njohur me emrin Dell Latitude XT3, me ekran LED 13.3-inch me prekje, procesor Intel Core iClass, 8 GB RAM DDR3, kartë grafike Intel HD Graphics 3000, memorje të integruar 320 GB me mundësi rritje.

Gjithashtu ky model ka edhe një kamera të integruar 2 megapiksel në pjesën ballore të tabletit, WiFi, Bluetooth dhe modem 3G. Dell Latitude XT3 është aktualisht në treg dhe kushton 1975$.