Si të shtoni njoftimet nga Facebook-u dhe chatin në Firefox

Firefox 17 ka një karakteristikë të fshehur, me anë të së cilës mund të aktivizoni marrjen e njoftimeve dhe chatin nga Facebook-u në shfletuesin tuaj. Ja se si ta aktivizoni.
Fillimisht sigurohuni që keni versionin e fundit të Firefox-it. Më pas keni dy mënyra për ta aktivizuar opsionin:
1. Shkoni tek Facebook Messenger for Firefox‘s official page dhe klikoni “Turn On.”
2. Shkruani about:config në address bar. Më pas kërkoni për social.enabled duke përdorur about:config search bar. Bëni klikim të dyfishtë mbi opsionin e social.enabled për ta vendosur në True.
Do të shihni se në cepin e djathtë të shfletuesit tuaj do të shfaqen njoftimet për kërkesa miqësie, mesazhet dhe postime të tjera. Përveç kësaj, do t’ju shtohet edhe një sidebar për chatin dhe një furnizues i vogël postimesh.
Nëse nuk e doni opsionin e chatit, atëhere shkoni sërish tek about:config dhe vendoseni opsionin social.sidebar.open në false.