Facebook në shtator mban një konferencë

Facebook mban konferenca gjysmë-vjetore për zhvillues dhe këtë vit konferenca do të mbahet gjatë shtatorit.

Konferenca f8 është konferencë e rrjetit Facebook për zhvilluesit, ndërmarrësit dhe nismëtarët që duan të ndërtojnë një ueb më shoqëror. Në këtë konferencë, Facebook tregoi prodhimet dhe veçoritë e reja në të cilat do të punojnë, duke ua mundësuar pjesëmarrësve ndërlidhjen me inxhinierët e rrjetit Facebook të cilët i ndërtojnë këto produke, po ashtu edhe me këta zhvillues që vijnë për të qenë pjesëmarrës në f8 nga të gjitha pjesët e botës.

Konferenca f8 do të mbahet më 22 shtator, në Design Center, në San Francisco. Facebook ka thënë që mund t’i presim që të bëhen paraqitje e disa veçorive të shkëlqyera që do të mundësojnë një nivel të ri të aplikacioneve shoqërore në rrjetin shoqëror

Kjo është konferenca e katërt e rrjetit Faceook. E fundit që ishte mbajtur ishte në prill 2010, ku për herë të parë u tregua butoni Like.