Apple: 15 miliardë shkarkime, 450 mijë aplikacione

Dyqani virtual i Apple, App Store ka arritur të gjenerojë më shumë se 15 miliardë shkarkime, që nga lansimi i tij në korrik të vitit 2008, thuhet në njoftimin e Apple.
App Store tani ofron më shumë se 425 mijë aplikacione, 100 mijë nga të cilat janë krijuar posaçërisht për tabletin e Apple, iPad.
Deri më sot, Apple ka paguar më shumë se 2.5 miliardë dollarë për zhvilluesit e këtyre aplikacioneve.
Duke e marrë parasysh marrëveshjen e Apple për ndarjen e hyrave me zhvilluesit, e cila është 70/30, i bie që Apple ka fituar më shumë se 1 miliardë dollarë vetëm nga zhvilluesit e aplikacioneve në platformën e saj mobile.