Zhvillimi i teknologjisë informative dhe zhvillimet e hovshme në këtë industri kane bërë hapa të mëdha edhe në zhvillimin e sistemit të shkollimit online. Shkolla e parë online për mësimin e gjuhës angleze e mundësuar nga Prof Qazim Aliu iu mundëson të rinjve dhe gjithë të tjerëve që kanë dëshirë të mësojnë gjuhen angleze nga shtëpia pa pasur nevojë për pagese.

Është kjo mënyra më e lehtë ku Prof. Qazim Aliu ofron humanitetin e tij në zhvillimin dhe edukimin e të rinjve në mësimin e gjuhëve të huaja, në këtë rast të gjuhës angleze për të gjitha shtresat shoqërore, edhe për ata që kanë dëshirë të mësojnë dhe nuk kanë mundësitë financiar.

Çdo ditë dëgjojmë se sa Laptopa vjedhen gjithandej. Vetë paramendimi se ju ka humbur laptopi së bashku me dosjet tuaja personale, fotot etj mund të jetë tronditëse. Gjithashtu mund të jetë rrezik sepse personi i cili ju ka vjedhur laptopin tuaj mund të kyqet përmes fjalëkalimeve tuaja të ruajtura nëpër shërbime të ndryshme sikur që janë e-mail, e-banking etj.
Por cila është Zgjidhja?
Prey project është një softuer i lirë dhe pa pagesë i cili shërben për të vëzhguar laptopin tuaj në gjithë botën. Ky softuer i mrekullueshëm punonë në sfond(background) dhe ju aspak nuk do ta keni idenë se programi është i startuar dhe punon.

Tastiera e re e sistemit të përditësuar Android 4.4 Kit Kat është lançuar tashmë si një aplikacion i pavarur që mund të funksionojë në çdo pajisje Jelly Bean, madje dhe në disa pajisje të tjera më të vjetra. Kjo tastierë suporton një buton të ri hapësire që (teorikisht) lehtëson shkrimin dhe opsionin e rrëshqitjes mbi shkronja që lejon përdoruesin të shkruajë fjali të plota pa qenë e nevojshme që të heqë gishtin nga tastiera. Ky opsion njihet nga Google si “gjesti i vetëdijshëm për hapësirën”. Tastiera përfshin edhe shumë figura për shprehjen e emocioneve, mjafton që të shtypësh gjatë butonin “enter” ose atë të kërkimit për t’i aksesuar.

Kompanitë Microsoft dhe Facebook duan të gjejnë probleme të sigurisë me disa teknologji kyçe që fuqizojnë uebin.

Dyshja ka bashkëpunuar për të krijuar një projekt për shpërblim për gjetësit e vrimave, të quajtur HackerOne, që shpërblen hulumtuesit e sigurisë për gjetjen e problemeve me PHP, OpenSSL, Apache dhe madje edhe portokollet themelore të komunikimit në internet. Shpërblimet shkojnë nga 300 dollarë minimumi, deri në 5 mijë dollarë, varur nga dobësia e posaçme dhe rreziku përkatës.

Meqenëse kohët e fundit bota jonë po drejtohet gjithmonë e më shumë nga pajisjet mobile, jo rrallë herë na shkon në mendje se a ia vlen të kemi një kompjuter desktop.
Sidomos nëse keni një PC të vjetër, mendoni se mbase nuk ju duhet një i ri e nuk keni pse ta zëvendësoni.
Por, për disa lloje punësh, një desktop është një "makineri e fuqishme" të cilës nuk ia kalon askush. Në këtë artikull do t’ju japim gjashtë arsye pse duhet ta mbani apo ta keni një kompjuter desktop.
1. Produktivitet me shumë monitorë. Asnjë gjë tjetër nuk ju jep më tepër fleksibilitet sesa vendosja e shumë monitorëve.

Shërbimi për ngarkesë në cloud i Kim Dotcom, Mega, që është me bazë në Zelandën e Re, po aktivizohet në iOS këto ditë; Dotcom thotë që ndërmarrja e tij ka aplikuar për paraqitje të aplikacionit në dyqanin e aplikacioneve për iOS.
Në të njëjtën kohë, ndërmarrësi lajmëroi që një klient Sync pritet të vijë për Windows, Mac dhe Linux. Lajmi erdhi në formë të një treshe të cicërimave nga Dotcom, i cili shënoi po ashtu që uebfaqja e Mega-s po realizon disa përmirësime në funksionim.

Google lansoi pajisjen e mencur, Nexus 5 së bashku me sistemin operativ Android 4.4 KitKat, në një konferencë të mbajtur në San Franciosko të enjten.
Nexus 5 është gjenerata më e re e pajisjve Nexus, e cila ka një ekran 5 inç, është i hollë, ka procesor Snapdragon 800 dhe është në dispozicion në dy ngjyra, të bardhë dhe të zezë.
Një tjetër risi e kësaj pajisje është edhe kamera e cila ka një objektiv i cili arrin të balancoj lëvizjet apo lëkundjet e duarve. Po ashtu, HDR+ mundëson shkrepjen e fotove në mënyrën më të mirë të mundshme.
Kompania më së shumti ka shpenzuar kohë në krijimin e sistemit operatvi të ri, KitKat, i cili është dizajnuar të punojë me të gjitha pajisjet me sistem operativ Android, veçanërisht pajisjve të fundit. Pajisjet e tjera Nexus së shpejti do marrin përditësimet në javën e ardhshme, raportoi Google.

Shkolla ka filluar dhe së shpejti do t’ju duhet një laptop i mirë për të bërë detyrat dhe projektet në universitet. Nëse keni në plan të blini për herë të parë një laptop, apo nëse thjesht dëshironi të blini një të ri, ne kemi disa këshilla që do t’ju ndihmojnë në zgjedhjen tuaj.  
Çfarë ju duhet?
1. Bateri me jetëgjatësi të lartë. Pavarësisht se sa mirë dini ta menaxhoni, do të ketë ditë kur t’ju duhet të rrini në universitet nga mëngjesi në darkë. Modelet me gjeneratën e katërt të procesorëve Intel Core (ose Haswell) vërtet kushtojnë pak më shumë por janë të pakrahasueshëm kur vjen puna tek konsumi i energjisë. Mund t’i gjeni përmes numrit 4000 e lart, si për shembull Core i3-4010U.